Perpulungen GBKP Makassar Peduli Lingkungan Hidup
“Go Green”
Ibas Wari Minggu tanggal 13 Juli 2008 Perpulungen GBKP Makassar erbahan Kebaktin Padang i Bendungan Bili-bili. Kebaktin Padang enda i mulai jam 10 erpagi-pagi. Khotbah ibabai Pdt. Masada Sinukaban S.Th janah bahanna ibuat ibas 2 Kor 8:1-5 alu tema “Mere alu melumbar eme kebayakenta”. Ibas kebaktin enda Pdt. M. Sinukaban S.Th pe mpersingeti kita kerina gelah kita banci Melestariken Lingkungan janah kita pe i harusken melakukan Penanaman Pohon gelah masalah Global Warming banci teratasi.
Teremna jelma sipulung lit 49 kalak janah ibas kebaktin padang enda pe ikut ka mahasiswa kuliah alih tahun eme Pdt. M. Sinukaban S.Th/Nora; Joe charis Ginting S.Th; Eddy Sitepu S.Th; Dewi Br. Tarigan S.Th; Pt J. Brahmana/Nora (Team PI ibas Rg. Pondok Gede nari). Kenca kebaktin enggo dung, emaka ibahan ka acara makan siang bersama perbahan wari pe nggo ciger. Emaka kenca kerina nggo elah man, ibahan me acara selanjutnya eme Penanaman Pohon eme oleh Pdt. M. Sinukaban S.Th; Pt. Bp. Andre Tarigan; Pt. Bp. Yunus Sembiring; Pt. Bp. Bery Perangin-angin; mewakili Mamre, Moria, KA-KR, Guru KA-KR bagepe Permata. Kenca penanaman Pohon nggo i laksanaken, ibahan me acara foto bersama.
Kerina perpulungen GBKP Makassar ermeriah ukur ngikuti Kebaktin Padang enda perbahan selama enda la lit Pendeta GBKP si melayani i Perpulungen Makassar. Perpulungen GBKP Makassar erpengarapen kel gelahna Moderamen GBKP banci nempatken sada Pendeta ku Perpulungen enda janah banci ka i pajekken sada Gedung Gereja GBKP i Makassar enda. Tuhan Yesus Memberkati!! Amin.

Bumi ini cukup menyediakan kebutuhan semua orang, tetapi tidak cukup menyediakan untuk ketamakan setiap orang.
(Mahatma Gandhi)
“ Jangan Wariskan Air Mata bagi Anak Cucu kita, tapi wariskanlah Mata Air”
(dr.Robert Valentino Tarigan.S.Pd Pejuang LH

Carillon A. N. Tarigan
Mahasiswa STT INTIM Makassar