REATRET PERMATA GBKP SEMARANG

“SEBERAPA BESARKAH RASA PEDULIMU?” (FILIPI 2:4)

Wisma Elroy 21-22 Juni 2009, Bandungan JaTeng

Triawan Wicaksono : Keselamatan tidak GRATIS!!

Pdt Filipus Herianto : PERMATA.. Jadilah kau terang dan garam bagi dunia!!

Ramuanta Ginting : Kiranya kerjasama kita dalam acara ini dapat merubah kita untuk berbuah.

“Seberapa Besarkah Rasa Pedulimu”? sada Thema si ibahan panitia Reatret PERMATA GBKP Semarang simungkin nungkun-nungkun ibas pusuhta sekalak-sekalak tentang kai kin maksudna Tema enda? La kin nge nari lit genduari PERMATA si peduli? Sada Thema si ngajak kerina anggota PERMATA khususna PERMATA Semarang gelah ula hanya diateken kepentingena pribadi janah alu sada Thema enda pe banci PERMATA ersukah-na mbangun relasi man jelma sinterem, labo terjeng enda ngenca tapi PERMATA pe banci erdiate guna lingkungen hidup i bumi merah-putih enda.

Sabtu 21 Juni 2009 PERMATA GBKP Semarang ras Sektor Salatiga seh i lokasi reatret tepat jam 13.00 WIB kerina peserta i lebuh ku aula guna pembagin kamar i terusken kata sambutan Ramuanta Ginting sebagai ketua panitia “ Terima kasih teman-teman khusunya pantia reatret tahun ini kiranya kita dapat menjalin kerjasama yang baik dan dapat merubah kita untuk berbuah” kenca nggo i serahken ketua panitia acara mulihken ku MC emaka acara terusken ku acara permainen alu i bagi jadi piga-piga kelompok. Teridah arah tawa PERMATA ibas acara enda nandaken bahwa si tuhuna acara Reatret PERMATA minimal sada tahun sekali penting guna ngasapken kerina kejenuhen-kejenuhen si lit ibas PERMATA Semarang subuk ibas pendahin, perkuliahen bagepe Diakonia PERMATA. Waktu terus erdalan, kenca nggo ridi ras man berngi i benaken me Sesi si pemena i baba Bpk Triawan Wicaksono, salu Thema “Apakah Allah peduli kepadaku”? Pembicara si erdomisili i Salatiga enda ngataken maka “Kalau Allah tidak peduli dengan kita, maka saya dan anda tidak akan pernah bisa ada diruangan ini! berbicara tentang keselematan, pertanyaannya ialah apakah keselamatan yang diberikan Tuhan kepada kita itu Gratis?? Sesungguhnya keselamatan yang di berikan Tuhan tidak Gratis, Keselamatan itu Gratis karena Tuhan Yesus sudah membayar keselamatan diatas kayu Salib! Itu adalah kasih dan kepedulian Tuhan Yesus kepada kita!!”. PERMATA ibas sesi si pemena i ajarken guna nggeluh sisampaten radu si kelengeng-kelengen kerna Tuhan Yesus nggo ngkelengi kerina anak-anakNa (Bdk 1 Pet 1:18-19).

Malam Keakraben e me acara si lakoken kenca Bpk Triawan ndungi tugasna guna mbaba sesi si pemena. Ibas suasana mbergeh la ngurangi semangat peserta ngendeken puji-pujin man Tuhan. Janah peserta seh antusias guna ngikuti permainen-permainen si isakapken seksi acara nari. Singkat cerita Malam Keakraben peserta idungi alu keriahen luar biasa. Ope denga tunduh acara ilanjutken renungen malam i aula ras Manggang B2 i lakoken kenca renungen malam itutup salu refleksi. Ende-enden karo pe i endeken asum peserta nutung-nutung jagung tengah berngina simbages. Pepagina la lupa maka seksi acara erbahan ibadah Minggu i lokasi Reatret alu pengkhotbah i undang seksi acara nari Pdt Filipus Herianto, sepenggal khotbahna Pandita si melayani i Gereja Bethel Indonesia (GBI) Semarang enda ngataken maka kerina PERMATA haruslah betul-betul jadi permata!! Dan jadilah kau terang dan garam bagi dunia!! i tambahken Pandita enda ape piga-piga masa laluna si cukup tragis ndalanken sisa-sisa kegeluhenna. Ibadah Minggu, PERMATA i ajarken guna make masa mudana alu tutus bagepe ndalanken kerina perentah Tuhan, kerna Tuhan si i sembah kita enggo erdiate man manusia. Ibereken kesempaten man peserta guna istirahat lima menit guna ncicipi snack si enggo i sikapken janah minter i benaken Sesi si peduaken alu penceramah si mbaba ibadah Minggu. Sesi si peduaken e me sesi Erdiate guna lingkungen, pandita ngerana maka genduari melala jelma khususna kalak Kristen megati la erdiate guna lingkungenna. Lingkungen sesama terlebih lingkungen hidup, alu sada ilustrasi Pdt F Herianto erbahan sada kesaksin berupa film man PERMATA gelah materi si i peseh pandita enda pe banci i aloken secara sempurna. Film pendek enda enceritaken uga kegeluhen rakyat miskin i Thailand tetap erpengendes man Tuhan amin gia ibas kegeluhen si i lakokenna la bagi jelma si enterem, pangan sisa restoren cepat saji i pangani sada jabu perban lanai nari lit pangan si man panken. Sesi si peduaken ntah sesi si terakhir, Pdt nekanken maka “semua anak-anak muda hendaknya memakai kemudaannya bukan hanya untuk kepuasan diri pribadi, melainkan ikut merasakan penderitaan orang lain, dan disana kita tunjukkan bahwa sebagai orang Kristen kita juga bisa peduli kepada sesama kita!” Sada kalimat penutup si menyentuh peserta reatret, Sesi terakhir i dungi alu pertoton ras pembagin hadiah kelompok.

Peserta Reatret nadingken lokasi jam 12.30 WIB. PERMATA mulih alu pengarapen gelah arah acara enda erbuena PERMATA erdiate radu si kelengen man jelma si enterem. Tuhan si Masu-masu kerina PERMATA!!

Imanuel Ginting’s

(Mhsw Teologi UKSW)